Долгоочекуваниот „масовен“ електричен автомобил на „Tesla“ може да се појави на пазарот значително побрзо од очекувањата.
Според информација на „Reuters“ производството ќе започне уште овој месец, најверојатно на 20-ти февруари. Пред тоа, компанијата ќе престане со склопување на „Model S“ и „Model X“, за да го подготви новиот модел.
Ако се потврди информацијата ќе уживаат не само илјадниците клиенти, кои го нарачаа „Model 3“, туку и акционерите на „Tesla“. Компанијата во текот на минатата година ги објави плановите за купување (почетна цена 35.000 долари) на електричниот автомобил, но потоа неколку пати го одложуваше своето деби, а во еден момент се зборуваше дури и за средината на 2018-та.
„Model 3“ е клучен за плановите на Илон Муск да го претвори „Tesla“ во масовен производител, со годишен обем од најмалку 500.000 возила.
