Францускиот оператор на „call“ центри „Teleperformance SA“ додава онлајн видео и телефонски преводи кон услугите преку купувањето на „LanguageLine Solutions LLC“ за 1,52 милијарди долари од американска компанија за приватен капитал, пишува „Bloomberg“.
„Teleperformance“, со седиште во Париз, која има клиенти во индустрии како што се здравството, осигурувањето, банките и трговијата на мало, соопшти дека ја купува „LanguageLine“ од „Abry Partners“ и група инвеститори. Договорот ќе се финансира со заем средства.
Производот на „LanguageLine“ – „Insight“, може да ги поврзе телефонистите со еден од осумте илјади преведувачи преку видео линк, така што тие да можат да преведуваат разговори на 240 јазици, вклучувајќи кинески, шпански, француски, германски и арапски.
Дигитализирањето во управувањето со врската со клиентите и комуникациите со корисниците во светот стекнува важност со глобализацијата на бизнисот.
Од „Teleperformance“ очекуваат договорот да заврши до крајот на годината и предвидува дека ќе го зголеми профитот со околу 10 отсто во 2016-та година. „LanguageLine“ е основана во 1982-ра година и има приходи за 388 милиони долари и добивка од 147 милиони долари во 2015-та година.
„Credit Suisse Group AG“ и „Morgan Stanley“ се финансиските советници на „LanguageLine Solutions“, а „Kirkland & Ellis LLP“ е правен советник. „Credit Agricole SA“, „HSBC Bank“ и „Societe Generale SA“ ќе ги обезбедат заемите за финансирање.
„Abry Partners“ ја купи „LanguageLine“ за 720 милиони долари во 2004-та година и ги прекина обидите за продажба и листата на компанијата во 2010-та година.
