Корисниците на оперативниот систем „Windows 7“ и „Windows 8“ во последните неколку месеци им се појавуваше прозорче за надоградба преку кое корисникот беше запрашан дали да премине на „OS Windows 10“ веднаш или подоцна.
Единствениот начин на кој беше можно да се избегне ова известување беше добро познатиот знак „X“ во горниот десен агол, што претставува типичен начин да се затвори било кој прозорец на оперативниот систем „Windows“.
Меѓутоа, најновите промени во рамките на „OS Windows 10“ доведуваат до тоа инсталацијата за надоградбата автоматски да се активира веднаш по затворањето на прозорецот преку „X“ копчето, пишува „BBC“.
„Microsoft“ од сега сите надоградби ги обележува како „recommended“, a повеќето компјутери се програмирани така што го прифаќаат овој вид на ажурирање од безбедносни причини.
Компанијата наведува дека надоградувањата и натаму може да се стопираат кога на екранот ќе се појави времето предвидено за завршување на процесот.
Овој потег наиде на голема осуда од страна на корисниците на „Microsoft“ и вработените во технолошката индустрија, чие незадоволство овие денови може да се види на бројни друштвени мрежи.
