На интернет продолжуваат да се појавуваат слики на смартфони кои се уште не се официјално претставени. Последната жртва е моделот на „Samsung“ – „Galaxy J5“.
Сликите наведуваат во детали што да очекуваат корисниците од кинеската верзија на смартфонот. Од нив, станува јасно дека тој во многу поголема мерка од неговите претходници ќе се доближува до моделите од повисока класа од серијата „А“.
Смартфонот се очекува да е со метално тело и да се нуди во неколку основни бои, меѓу кои бела и златна. Во однос на техничките карактеристики уредот се очекува да е со 5.2-инчен екран со резолуција од 720 пиксели, чип „Snapdragon 410“, како и два гигабајти RAM меморија.
Оперативниот систем се очекува да е „Android 5.1.1“, а внатрешната меморија да е во износ од 16 GB. Камерата на уредот најверојатно ќе има 13 мегапиксели.