Корисниците имаат огромен избор при купувањето на смартфон. Кога станува збор за издржливоста на батеријата, сепак, изборот меѓу смартфоните се стеснува значително.
Моќните процесори и најсветлите и заситени екрани често значат пократко траење на батеријата со едно полнење. А тоа е една од најважните карактеристики за повеќето корисници, според резултатите од бројни истражувања.
Овие модели имаат најиздржливи батерии, според весникот „Business Insider“:
6. „Samsung Galaxy Note 5“
Овој модел се одликува со батерија со капацитет од 3.000 mAh. Во прилог доаѓа можноста за брзо полнење. Смартфонот може да издржи осум часа интернет прелистување, според тестовите на „The Verge“. Ова достигнување е постигнато, и покрај фактот дека уредот се одликува со еден од најдобрите дисплеи на пазарот во моментов, со големина од 5.7 инчи.
5. „Nexus 6P“
Бартеријата на овој модел е со капацитет од 3.450 mAh. Ова овозможува континуирани разговори во текот на 23 часа. Уредот има уште „USB“ порта-„C“ за брзо полнење. Крајот на 14-часовен работен ден обично уредот го завршува со 30% за следното полнење, и тоа кај „активно користење“.
4. „iPhone 6s Plus“
Бројките не се сите, кога станува збор за смартфонот. Ова е потврдено од „iPhone 6s Plus“, кој покрај батеријата од 2.750 mAh, се наоѓа на четвртото место на листата. Тоа доаѓа благодарение на најефикасен спој на хардвер и софтвер од страна на „Apple“. При последната надградба на оперативниот систем „iOs“ беше претставен и режимот „Low Power“ кој е исклучително ефективен, кога батеријата достигне 20%. Само благодарение на него смартфонот го продолжува „животот“ за уште еден час или два.
3. „Samsung Galaxy S7“
Последниот модел на „Samsung“ – „Galaxy S7“, е со релативно моќна батерија од 3.000 mAh. „Животот“ и е импресивен, со оглед на каректеристиката за „секогаш вклучен дисплеј“. Смартфонот е тестиран во текот на 14-часа интензивно користење, а крајот на денот го завршува со 15%. Покрај тоа, постои опција за брзо полнење.
2. „Samsung Galaxy S7 Edge“
Другиот вид на последниот модел на „Samsung“ – со заоблени краеви, исто така има исклучително издржлива батерија. Таа е со капацитет од 3.600 mAh. Благодарение на неа смартфонот издржува 10 часа визуелизација на видео содржини. И тука има опција за брзо полнење.
1. „Motorola Droid Turbo 2“
Овој модел, кој го зазема првото место на листата, е со моќност од 3.760 mAh што овозможува 48 часа „мешана употреба“ на уредот. Ова е најтрајната батерија која ја користи еден смартфон. Се одликува со опција за брзо полнење, што е императив во предвид на долгиот период потребен за полнење на батерија со сличен капацитет.