Леталото од 120 метри е повисоко од Статуата на слободата и беше лансирано од базата Бока Чика на SpaceX во Тексас.
Американската вселенска агенција НАСА го избра вселенското летало Starship за транспорт на астронаути на Месечината кон крајот на 2025 година. Мисијата, позната како Артемис III, е прва таква мисија од крајот на програмата Аполо во 1972 година.
Ѕвездениот брод се состои од 50-метарско вселенско летало дизајнирано да транспортира екипаж и товар што се наоѓа на врвот на ракетата.
Колективно наречена Starship, леталото и супертешката ракета никогаш не биле лансирани заедно, иако имало неколку суборбитални пробни летови на самото вселенско летало.
НАСА ќе лансира астронаути во орбитата на Месечината во ноември 2024 година со помош на сопствената ракета Space Launch System (SLS), која се развива повеќе од една деценија, пишува „Јутарњи лист“.
Starship е и поголем и помоќен од SLS. Тој генерира повеќе од двапати поголем потисок од ракетите Saturn V кои се користеле за испраќање астронаути на Месечината како дел од мисиите Аполо.
SpaceX планира прво да го постави Starship во орбитата, а потоа да го наполни гориво од друг Starship за да може да продолжи до Марс или понатаму.
