Марката „Cupra“ го претстави својот концептен модел „UrbanRebel“, кој прикажува некои стилски решенија и пропорции на производствениот електричен автомобил планиран за 2025-та година. Хечбекот намерно наликува на виртуелен спортски автомобил, а неговиот дизајн создава ефект на постојано движење.
Според информациите, сериската верзија на „Cupra UrbanRebel“ ќе биде близок роднина на идниот „Volkswagen ID.2“. Засега, возилото е само концепт, но Шпанците планираат да ја направат реалност, потпирајќи се на некои многу атрактивни карактеристики на дизајнот.
Фаровите, на пример, се направени од неколку триаголници, додека предниот браник изгледа како нос на ајкула. Тенките предни потпори се комбинирани со линија во форма на клин помеѓу задните потпори и багажникот. На задниот дел има поставено голем спојлер, и воопшто задниот дел е во стилот на кросоверот „Formentor“.
Димензиите на моделот се должина од 4080 mm, ширина од 1795 mm и висина од 1444 mm, кои се очекува тие да бидат зачувани во сериска верзија. Детали за погонот не беа пријавени, но се претпоставува дека „UrbanRebel“ се потпира на енергетска единица со константна моќност од 340 ks и максималн од 435 ks, со забрзување од 0 до 100 km/h кое трае 3,2 секунди.
Ова значи дека концептниот модел е една секунда побрз од „Formentor VZ5“, кој се потпира на 2,5-литарскиот мотор на „Audi Q3 RS“ со 390 ks, автоматскиот „DSG“ менувач и погонот на четири тркала. Покрај тоа, „UrbanRebel“ забрзува до 100 km/h два пати побрзо од стандардниот хечбек „Born“, што трае 6,6 секунди во „Boost Mode“.
