Серијата телефони „P50“ е долго очекувана, па конечно дојде ред да бидат претставени „Huawei P50“ и „Huawei P50 Pro“.
Ниту еден од двата телефони не поддржува 5G, да го споменеме тоа на почетокот, бидејќи се зборуваше многу за тоа. Како што беше речено, причина за тоа се американските санкции. Исто така, уредот пристигнува на „HarmonyOS 2“, што сепак значи дека нема услуги и апликации на „Google“, но апликациите за „Android“ достапни преку „AppGallery“, се разбира, ќе работат.
Моделите ќе бидат од 256 GB и 512 GB, со 4.360 mAh, 66W жичено и безжично полнење од 50W и стерео звучници.
„P50“ ќе работи на чипсетот „Snapdragon 888 4G“, кој исто така ќе биде на „P50 Pro“, но исто така ќе биде во варијанта со чипот „Kirin 9000“.
„P50“ има 6,5-инчен „OLED“ дисплеј со „FHD +“ резолуција и освежување од 90Hz, додека „P50 Pro“ има 6,6-инчен флексибилен „OLED“ дисплеј со „FHD +“ резолуција и освежување од 120Hz.
Што се однесува до камерата, „P50“ има главен сензор од 50MP на задната страна, ултра-широк сензор од 13MP и телефото-сензор од 12MP со поддршка на „OIS“. Има и дигитален зум 50x и оптички зум 5x, однапред селфи камерата има 13 мегапиксели.
Додека „P50 Pro“, ќе има главен сензор од 50MP, ултра-широка камера од 13MP, телефото со 64MP со „OIS“ поддршка и 3.5x оптички зум.
Напред е селфи камера од 13 мегапиксели.
„Yao Gold Black“, „Cocoa Tea Gold“, „Snowy White“, „Dawn Power“ и „Rippling Clouds“ се боите во кои ќе биде достапен „P50“.
„Yao Gold Black“, „Cocoa Tea Gold“ и „Snowy White“ се боите во кои ќе биде достапен „P50 Pro“.
Цената во Кина за „P50 Pro“ започнува од околу 780 евра (5.988 јуани) за модел со 8 GB RAM и 128 GB простор. Во истата конфигурација и на истото место, „P50“ започнува од околу 580 евра (4.488 јуани).
https://www.youtube.com/watch?v=Cnoyt6j_4GU
