Светската ѕвезда Бијонсе, попозната меѓу своите обожаватели под прекарот Queen B, откри дека на својот имот има две големи кошници, од кои произведува „стотина тегли мед годишно“ за приватни потреби.
Започнала пчеларство поради своите ќерки Блу Ајви (8) и Руми (3), на кои медот им помага да ги надминат силните симптоми на алергија.
„Знам дека звучи малку чудно, но имам две кошници и тие го произведуваат медот. Ги имам веќе некое време на имотот. Имам околу 80.000 пчели и правиме стотици тегли мед годишно. Почнав да се бавам со пчеларство затоа што моите ќерки, Блу и Руми, имаат страшни алергии, а медот има безброј лековити ефекти“, рече пејачката.
Пчеларството не е единствениот деловен потфат на оваа голема ѕвезда. Таа има целосна сопственост над нејзината музика, филмови и моден бренд Ivi Park.
„Сопственоста над филмовите, линијата за облека и музика ми е многу важна. Вашите песни, вашиот имиџ и начинот на работење не мора да се создаваат од комерцијална или машка гледна точка. Можете сами да одлучите како изгледа успехот. Да се биде број еден не значи подобар квалитет. Комерцијалниот успех сигурно не гарантира влијание“, објаснува Бијонсе, зборувајќи за важноста на сопственоста на бизнисот.
