Меѓу можните купувачи на „Diners Club“ од Словенија во словенечките медиуми се споменува „Erste Bank“, која преку компанијата „Erste Card Club“ има франшиза за „Diners Club“ во Хрватска.
„Diners Club“ од Хрватска главно е заинтересирана за добивање на правата за издавање на картички во Словенија. Меѓутоа, со појавата на новите околности во Словенија, потребна е детална анализа, за донесување на конкретни одлуки сеуште е рано“, изјавија од „Erste Bank“, пренесува весникот „Бизнис“.
Банката на Словенија пред десет дена на претприемачот Томаж Ловшеу и неговата компанија „Findale“, која е 100-процентен сопственик на „Diners Club“ од Словенија, и ја одзема лиценцата за работа, а словенечките медиуми сега шпeкулираат дека таа компанија ќе биде продадена наскоро.
„Diners CLub“ од Словенија има околу 80.000 корисници.
