Кај суперавтомобилите најважни се динамичките можности. Токму врз база на овој показател фанови го избраа најдобриот автомобил во сегментот. За титулата се борат „Bugatti Veyron SS“, „Pagani Huayra“, „Porsche 918 Spyder“, „Ferrari LaFerrari“ и „McLaren P1“.
Тестот се одвива во две фази – обиколка на патеката и „драг“ од место. Интересно е дека се користат само и единствено автомобили на фанови, а не оние кои се обезбедени од страна на производителите.
Во видеото подолу може да се види финалниот дел од тестирањата – „драг“ трката. Регулативата е следнава. Автомобилите се натпреваруваат во парови, а најбрзиот се соочува со „Bugatti Veyron SS“ – најбрзата кола во светот.
Во оваа дисциплина прв отпаѓа „Pagani Huayra“, кој губи со сериозна разлика од „Porsche 918 Spyder“. При трката помеѓу „Ferrari LaFerrari“ и „McLaren P1“ победата оди кај британскиот автомобил, а во натпреварот помеѓу „McLaren P1“ и „Porsche 918 Spyder“, тримфираше хибридот на „Porsche“.
Изненадувачки или не, „918 Spyder“ се справи и со „Bugatti Veyron SS“, победувајќи го во „драг“ дисциплината.
Токму „Porsche 918 Spyder“ станува најголем победник, бидејќи дава и најдоброто време за обиколка на патеката – 1:18,44 мин.
На второ место во оваа дисциплина останува „Ferrari LaFerrari“, а на трето „McLaren P1“. Четврти е „Bugatti Veyron SS“, а последен повторно е „Pagani Huayra“.
