Јужнокорејскиот електронски гигант LG Electronics Inc објави дека потпишал договор за развој на сопствена услуга за мобилно плаќање LG Pay.
LG потпишал договор со двете најголеми јужнокорејски компании за картички Shinhan Card Co Ltd и KB Kookmin Card Co Ltd. Временскиот план за новата услуга не е објавен и не е опишана планираната технологија.
На пазарот на мобилно плаќање е сè поголем метеж бидејќи производителите на паметни телефони, како Apple и Samsung Electronics Co Ltd веќе покренаа сопствени услуги на мобилен платен промет.
Мобилниот систем на плаќање на LG Electronics Inc ќе може да се користи на сите LG паметни телефони, за разлика од Samsung Pay, кој е достапен само на најновите модели на Samsung, објави денеска јужнокорејската новинска агенција Yonhap, без да ги наведе изворите.
Портпаролот на LG одби да го коментира овој извештај.
