На секои две години јапонската автомобилска индустрија се собира на саемот во Токио, за да ги претстави своите нови модели и концепти.
И додека повеќето од автомобилите се иновативни и ја покажуваат иднината, во која ќе се развиваат компаниите, често не недостасуваат и чудни предлози.
Еве некои од најчудните концепти, претставени на автомобилскиот саем во јапонската престолнина:
Alphard Hercule
Toyota цели овој модел да е како „суперјахта за богаташи“ кај комбињата. Моделот е опремен со секакви додатоци, како скара, виткање покрив и кристални чаши за шампањско.
Wander Stand
Пред две години „Honda“ го претстави концептот за суспензија, која овозможува движење настрана – „Omni Traction Drivе“. Со овој модел на двосед на автономно возило од јапонската компанија покажуваат како овој концепт може да се примени во пракса, за паркирање на многу тесни места.
Gosei Flesby
Овој модел од „Toyota“ покажува како може да се менува аеродинамиката на едно возило, ако тоа е во можност да ја менува својата форма. Проектот на сателитскиот производител „Toyota Gosei“ го прави токму тоа – го менува својот облик. Во зависност од ситуацијата на возење, автомобилот го менува телото преку шест перници со цел да постигне подобра аеродинамика.
Daihatsu Noriori
Една четвртина од населението на Јапонија е на возраст од над 65 години. За тоа се грижи новиот модел на „Daihatsu“. На јапонски „Noriori“ значајно е качувањето и слегувањето. Токму за леснотата на оваа акција се згрижени од страна на компанијата, благодарение на широките врати кои се отвораат странично и минималната висина до земјата.
Suzuki Air Triser
Целта на јапонскиот производител била да претстави возило со максимален волумен на внатрешен простор. Превозното средство е една од ретките концепти кои се практични и може да се ефикасни за корисниците. Кога застанува, седиштата во „Air Triser“ може да се соберат на неколку начини и да го постигнат ефектот на караван.
Yamaha Motobot
Од јапонскиот производител на мотоцикли претставија робот кој според компанијата може да автономно да го вози секој мотор со брзина до 124 милји на час (198 км/ч) на патека. Не е познато кога корисниците ќе имаат пристап до овој робот.