Бразилската поделба на „Fiat“ конечно објави официјална слика на првиот пикап во историјата на брендот, а откри и детали за него.
Веќе е познато дека моделот ќе се нарекува „Toro“, а на сликата е претставена неговата топ верзија. Таа е опремена со дневни светла, заштита на долниот дел и големо количество хромирани елементи.
Според информациите пикапот со двојна кабина нуди удобност на луксузен автомобил за 5 лица. Должината на „Toro“ е 4195 мм, а тој ќе биде достапен, како само со преден погон, така и со систем за погон на сите четири тркала.
Верзијата со преден погон е достапна во варијанта со 1,8-литарски бензински „E-Torq Flex“ мотор кој може да работи и на етанол. Овој мотор се комбинира со 6-брзински автоматски менувач. За верзијата со 2.0-литарски турбодизел „Multijet“ се нудат 6-брзински мануелен и 9-брзински автоматски менувач, како и систем 4х4.
Во Бразил „Fiat Toro“, за кој се тврди дека ја користи платформата на „Jeep Renegade“, ќе се нуди со 3 нивоа на опрема – „Urban“, „Adrenaline“ и „Country“. Меѓу опциите кај моделот се системот „Uconnect“ со 5-инчен дисплеј, камера за рикверц, електрични прозори, сензори за дожд и светло, теренска суспензија и кабина во која ќе преовладува кожа.
Познато е дека „Toro“ ќе се продава исклучиво во Јужна Америка. Во „Fiat“ сепак подготвуваат уште еден пикап кој ќе биде достапен за пазарите во целиот свет.
