Штотуку „FIAT“ ги понуди акциите на „Ferrari“ на берзата во Њујорк, производителот на супер-спортски автомобили од Маранело претстави нов модел од ограничена серија – „F12tdf“ (Tour de France).
Врз основа на моделот „Ferrari F12 Вerlinetta“, „tdf“ добива погон од познатиот „V12“ мотор со зафатнина од 6.262 ccm, кој за оваа прилика е помоќен за 40 „коња“.
Aвтомобилот располага со 780 ks (574 kW) при 8.500 o/min и 705 Nm достапни на 6.750 o/min.
Моќта на тркалата се пренесува по пат на подобрениот „F1 DCT“ менувач.
Благодарејќи на сите подобрувања, „F12tdf“ е во состојба од место до „стотка“ да забрза за 2,9 секунди, додека од 0 дo 200 km/h стигнува за само 7,9 секунди.
Според информациите, максималната брзина на ова возило изнесува 340 km/h.
Од „Ferrari“ соопштија дека на тест патеката „Fiorano“, автомобилот извозел круг за само 1 минута и 21 секунда.
Покрај моќниот мотор и подобрениот менувач, „F12tdf“ се разликува од „Вerlinettа“ и по подобрената аеродинамика и системот за суспензија.
Засега цената на овој автомобил не е соопштена, а се планира производство на ограничена серија од 799 единици.
