„Lada“ полека ги губи визуелните карактеристики по кои со децении беше препознатлива. Неугледниот и застарен дизајн постепено замина во историјата, а старите модели им го предадоа местото на возилата со современ изглед.
„AvtoVAZ“ го стартуваше сериското производство на новиот модел – компактниот седан „Vesta“. Автомобилот се изработува во фабриката во Ижвеска, а почетокот на продажбата на рускиот пазар е закажан за 25-ти ноември.
Продукциската верзија не се разликува до концептот кој беше претставен во 2014-та година, а компанијата планира до крајот на оваа година да произведе 5.000 возила.
Моделот „Vesta“ е поставен на целосно нова механичка платформа (Lada B / C) која инженерите од компанијата „AvtoVAZ“ ја развија со помош на колегите од групацијата „Renault – Nissan“.
Возилото е долго 4.410 mm, широко 1.764 mm, a високо 1.497 mm. Meѓуосовинското растојание од 2.635 mm гарантира солиден комфор за патниците кои се возат на задните седишта, додека зафатнината на багажникот изнесува задоволувачки 480 литри.
„AvtoVAZ“ соопшти дека 71 процент од компонентите во новиот модел се изработуваат во Русија (60 отсто во погонот во Тољати), влучувајќи го моторот и менувачот.
„Vesta“ има 1.6-литарски бензински мотор (16V) со 106 ks, додека преносот на моќта на тркалата се реазлизира со помош на петбрзински мануелен менувач кој е позајмен од „Renault“.
На купувачите подоцна ќе им биде достапен и автоматски менувач, како и послаб 1.6-литарски бензинец (8V) со 87 ks.
Предвидено е понудата на мотори да биде проширена со 1.6-литарскиот бензинец со 114 ks на „Nissan“.
Кога станува збор за продажбата, производителот ќе се фокусира на домашниот, руски пазар, каде „Vesta“ ќе се бори да го превземе приматот од седаните „Hyundai Solaris“ и „Kia Rio“ (вториот и третиот најбаран модел во Русија за 2015-та година).
Цената на овој автомобил ќе изнесува помеѓу 6.200 и 8.000 eвра.
По „Vestа“, на пазарот би требало да се појави и вториот најавуван модел од новата генерација на возила на „Ladа“.
Во план е производство на кросоверот „X Ray“ и караван верзијата „Vesta Cross“, чиј концепт беше претставен на крајот на август.
