На актуелниот франкфуртски саем за автомобили се изложени бројни суперлуксузни модели. Сепак, посетителите на кои традицијата им е на прво место, веројатно најмногу внимание посветија на најновиот кабриолет на марката „Rolls-Royce“.
Иако автомобилот е заснован на купето „Wraith“, производителот промени бројни детали на каросеријата, несметајќи го вградениот платнен покрив.
Речиси целосно безшумниот механизам овозможува покривот автоматски да се подигне за околу 20 секунди, при брзина до 50 km/h.
Отпорот на воздух е намален благодарение со користењето на „соврешено мазното платно“, па според зборовите на луѓето од компанијата „Rolls-Royce“ надворешната бучава од струењето на воздухот за време на возењето е минимално.
Кабината која е богата со кожа и дрво, проектирана е за луксузен превоз на 4 лица, а меѓу опциите е и клима уредот со четири зони кој овозможува секој од патниците да ужива во сопствената микроклиматска средина, како и премиум аудио системот со 16 посебни звучници.
Автомобилот моќта ја добива од 6,6 литарски „V12 twin-turbo“ мотор кој развива 571 ks (420 kW) при 5.250 вртежи, додека максималниот вртежен момент од 780 Nm е достапен веќе на 1.500 o/min.
„Rolls-Royce Dawn“ до „стотка“ стигнува за 4,9 секунди, a максималната брзина е лимитирана на 250 km/h.
Почетната цена е соодветна на репутацијата на брендот и изнесува 344.000 eвра, a првите испораки ќе започнат во вториот квартал од 2016-та година.