Ултимативна верзија на суперавтомобилот „Lamborghini Huracan“ ќе прикаже „Mansory“ на самиот старт на саемот во Франкфурт.
Само пред неколку месеци тунинг компанијата ја покажа верзија на моделот со 850 КС, а сега демонстрира нешто значително подобра.
Кај новата доработка, тјунерите поставија две турбини на 5,2-литарскиот V10 агрегат, а исто така се редизајнирани голем број компоненти во моторот и каросеријата.
Резултатот е „страшен“, моќ од 1250 КС. Вртежниот момент е електронски ограничен на 1.000 Nm. Што се однесува до динамиката, доработениот автомобил развива 100 км/час за само 2,7 секунди и може да развие 340 км/час.
Моќта е добиена и со помош на оптички подесување. Новите компоненти се карбонски, а ја зголемуваат широчината на „Huracan“ за 30 мм напред и 40 мм позади.
Новите карбон елементи се полесни од оригиналните, а освен тоа ја подобруваат аеродинамиката и го оптимизираат ладењето на моторот и сопирачките, покажува информацијата.
Внатрешноста доби исто така значително количество карбон, како и тапацир од алкантара. Се забележуваат и други промени, исполнети со цел ентериерот да наликува на кокпит на авион.
Сите детали за моделот, вклучувајќи ја цената, ќе бидат познати за време на премиерата во Франкфурт.
