Основната верзија на ексклузивниот седан на „Aston Martin“ – „Lagonda Taraf“, во Велика Британија ќе стартува од 696.000 фунти (980.000 евра). Цената беше објавена на сајтот на британскиот дилер „HROwen“, но потоа беше отстранет, соопшти „Autocar“.
Ако бројките се вистинити, тоа значи дека „Lagonda Taraf“ ќе чини околу 2 пати повеќе од продолжената верзија на „Rolls-Royce Phantom“, чија цена изнесува 373.800 фунти. Три пати поефтин пак е „Bentley Mulsanne“, кој на Островот е оценет на 229.300 фунти.
Првично во „Aston Martin“ мислеа да го продаваат моделот „Lagonda“ само во земјите од Блискиот Исток, но подоцна компанијата ја промени тоа намера. Така луксузниот седан ќе се нуди уште во Велика Британија, неколку земји од континентална Европа, а исто така во Русија, Сингапур и Јужна Африка.
Автомобилот е изграден на платформата „VH“ на „Aston Martin“, а каросеријата е од карбон. Погонот е доверен на 5,9-литарски V12 мотор со моќност 565 КС. Забрзувањето од 0 до 100 км/ч кај овој седан трае 5 секунди, а максималната брзина е 320 км/ч.
Според претходните најави од моделот е предвидено производство на вкупно 200 примероци. Овој производител веќе стартуваше со нарачки за „Lagonda Taraf“.
