Оваа недела производителот на супер луксузни автомобили „Rolls-Royce“ ќе ја претстави најновата креација – уникатен модел „Ghost“, во чест на 50-годишнината од независноста на Сингапур.
Специјалната верзија „SG50 Ghost Series II“ е во бела боја со контрастни црвени ленти, симболизирајќи ги боите на знамето на Сингапур. Комбинацијата од две бои продолжува и во внатрешноста, каде симболот на градот држава, Мерлион, е извезени врз четирите потпирачи за главите на патниците.
Ова е прв случај во кој од компанијата прифатиле да направат посебен автомобил во чест на годишнина на држава.
Од „Rolls Royce“ одбија да ја објавуваат конкретната цена за моделот. „Основниот модел“, „Ghost Series II“ се продава за околу 290.000 долари во САД.
Компанијата ќе понуди за купување само еден „SG50“ модел и тој ќе биде доставен во градот-држава во август (9-ти август, Денот на независноста на Сингапур).