Знаете дека во летниот период не треба да консумирате „тешка“ храна, а препораката на експертите е да внесувате колку што е можно повеќе течности. Исто така би требало да јадете и овошје и зеленчук во големи количини. Овој напиток е совршен начин за да внесете се што ви е потребно во текот на топлите летни денови.
Оваа лесна ужинка е полна со витамини, а што е и најважно во врелите денови, навистина ќе ве освежи.
Причина повеќе за да се почестите токму со овој вкусен напиток е тоа што не е тежок за варење, па нема да добиете чувство на надуеност, непријатност или проблеми со варењето. Освен тоа и подготовката е сосема едноставна.
Потребни ви се:
– 2 шолји јогурт
– 2 шолји боровинки
– неколку капини
– 1 исецкана банана
– 1 лажица мусли по желба
– 2 коцки мраз
Подготовка:
Сите состојки ставете ги во блендер и мешајте додека да добиете хомогена смеса. Напитокот ставете го во чаша и вашиот оброк е подготвен.
Пријатно!
