Втората генерација на кросоверот „BMW X1“ која беше претставена пред еден месец, може да добие хибридна верзија, пишува „Motoring“, повикувајќи се на свои извори во германската автомобилска компанија.
Новиот „Х1“ е изграден на платформата „UKL“ која овозможува интегрирање на хибриден агрегат. Таков веќе е демонстриран во моделот „Series-2 Active Tourer“, кој ја користи истата архитектура.
Доколку се произведува хибридниот „BMW X1“, најверојатно ќе го има погонскиот систем на големиот кросовер „X5 xDrive40e“. Кај него се користи 2.0-литарски бензински мотор и електромотор, кои испорачуваат комбинирана моќност од 313 КС.
Се претпоставува за „BMW X1“ да биде избран агрегатот од „Series-2 Active Tourer“. Тоа е комбинација на 1,5-литарски бензински мотор и електромотор, кои развиваат 224 КС. Кај овој модел на „BMW“ системот троши само 2,0 л / 100 км, а во исто време овозможува спринт од место до 100 км / час за 6,5 сек.
Во моментов германската компанија анализира доколку сличен автомобил би имал успех на пазарот. Ако резултатите се позитивни, хибридниот „BMW X1“ може да се појави веќе следната година.
