Француската модна куќа „Dior“ ќе отвори бутик во јужнокорејскиот главен град Сеул, на шест ката, кој воедно ќе биде и најголемиот продажен објект на оваа компанија во Азија.
Овој бутик, сместен во најбогатиот кварт на Сеул, Чеонгдам-Донг ќе биде отворен на 20-ти јуни, пишува францускиот весник Паризиен.
Стоковната куќа на „Dior“ во Сеул, која ја креираше францускиот архитект Кристијан де Портампар, ќе се простира на шест нивоa, а ќе содржи и еден VIP салон, галерија и кафуле.
За да го прослави отворањето на својот најголем азиски бутик, „Dior“ за корејските клиенти креираше специјална линија на ташни и модни додатоци.