„Qatar Airways“ беше прогласена за најдобра авиокомпанија во светот за 2015-та година од сајтот „Skytrax“.
Церемонијата за врачување на наградите на „Skytrax“ се одржа во вторникот за време на авио-саемот во Париз.
Според „CNN“ другите компании во топ 10 се: „Singapore Airlines“, „Turkish Airlines“, „ANA“, „Cathay Pacific“, „Emirates“, „Etihad“, „Qantas“, „Garuda Indonesia“ и „EVA Air“.
Извршниот директор на „Qatar Airways“, Акбар Ал Бакер соопшти дека луѓето кои ја заслужуваат наградата се вработените во компанијата.
Минатогодишниот број 1 во ова рангирање беше „Singapore Airlines“.
Компанијата „Qatar Airways“ е број 1 и во категоријата „Бизнис“ класа. Тие предводеа во ова рангирање и во 2011-та и 2012-та година.
„AirAsia“ ја доби наградата за најдобра нискобуџетна авиокомпанија веќе 7-ма година по ред.
Рангирањето е создадено врз основа на анкета меѓу 18,9 милиони патници во 110 држави.
