Кинеската авиокомпанија „Shenzhen Airlines“ ќе купи 46 авиони од „Boeing“ од семејството 737 по каталошка цена од 4,3 милијарди долари, соопшти вчера нејзината мајка-компанија „Air China“.
Авионите ќе бидат испорачани во периодот меѓу 2016 и 2020 година, се наведува во соопштението на Шангајската берза, на која котираат акциите на Air China„“, пренесува агенцијата Франс прес.
„Shenzhen Airlines“ има флота од над 100 патнички и транспортни авиони, меѓу кои се и авионите на „Boeing“ од типот 747 и 737, но и авионите на „Airbus“ од типот 320 и 319.
„Boeing“ минатата година прогнозираше дека на кинеските авиопревозници ќе им требаат речиси 6.000 нови авиони во наредните 20 годии, во вредност од 780 милијарди долари.
