„BMW“ ја претстави обновената верзија „Competition Package“ од семејство „М6“. Таа се потпира на форсиран до 600 КС битурбо „V8“ мотор со зафатнина од 4,4 литри и преработена шасија. На овој начин тоа е најмоќниот сериски модел во целата историја на баварскиот производител.
Пред една година „BMW“ го пушти седанот „M5“ во јубилејната верзија „30 Jahre“, а тој исто така се потпира на 600 КС. Оваа „петка“ беше прогласена за најмоќното „граѓанско“ „BMW“ на сите времиња, но од неа беа произведени само 300 примероци. Затоа и баварците одлучија дека вакво звање заслужува токму „M6“ во изведба „Competition Package“.
Кај него доработка на моторот е истa како кај верзијата „30 Jahre M5“. Мотор со 600 КС и вртежен момент од 700 Нм, достапен во опсег 1500-6000 врт/мин. Досега најмоќното „M6“ располагаше со 560 КС и 680 Нм. По доработка, ова возило забрзува од 0 до 100 км/ч за 3,9 секунди, а кабриолетот и „Gran Coupe“ за 4,0 секунди.
Максималната брзина кај сите верзии е ограничена по електронски пат на 250 км/ч. Клиентот сепак може да си ја нарача опцијата „M Driver’s Package“, која го отстранува ограничувачот и така возилото развива 305 км/ч.
„BMW M6“ е опремен со „Competition Package“, располага со тврди пружини и амортизери, како и со специјални стабилизатори. Прилагодени се и управувањето, системот за стабилизација и задниот активен „М“ диференцијал, кој има посебен блок на управување.
На изглед автомобилите од оваа серија се разликуваат по своите оригинални 20-инчни тркала, како и издувните системи, „облечени“ во црна хром боја.