Откако долго време ги „провоцираше“ симпатизерите со објавување на скици и делови од слики, компанијата „Chevrolet“ конечно ја откри 6-тата генерација на „Camaro“. Премиерата на легендарниот модел се одржа на специјална манифестација во Детроит.
Однадвор новото „Camaro“ изгледа сосема препознатливо, но всушност во овој модел нема речиси ништо од петтата генерација. Околу 70% од деталите се развиени од нула, а цврстината на структурата на возилото е оптимизирана за 28%. Поради употреба на алуминиум во конструкцијата, каросеријата е полесна за 90 килограми.
Димензиите на новиот „Chevrolet Camaro“ се должина од 4784 мм, ширина – 1897 мм, висина – 1348 мм, и растојание помеѓу двете оски – 2811 мм. На овој начин спортскиот автомобил е за 57 мм пократок, со 20 мм поблизок и за 28 мм помал од својот претходник. Меѓуоскиното растојание е исто така намалено за 41 мм.
Во палетата мотори за прв пат во историјата на моделот е вклучен 2,0-литарски турбо мотор со 4 цилиндри. Тој развива моќност од 275 КС и 400 Нм, што овозможува забрзување од 0 до 96 км/ч (60 милји) за помалку од 6 секунди.
Освен тоа новото „Camaro“ ќе се нуди со 3,6-литарски V6 кој развива 335 КС и 385 Нм, како и со 6,2-литарски LT1 V8 со 445 КС и 617 Нм. Најмоќниот мотор ќе биде достапен само за верзијата SS, која за прв пат ќе добие адаптивна суспензија „Magnetic Ride Control“. Сите мотори ќе се поврзани со 6-брзински мануелен менувач или со 8-степен автоматски „Hydra-Matic 8L90“.
Ентериерот на моделот исто така доби нови детали. Во опремата се вклучени два 8-инчни екрани, „LED“ осветлување, електрична рачна кочница и селектор за менување на различните режими на управување – Snow / Ice, Tour, Sport и Track (последниот е достапен само за моделот SS).
Производството на 6-тата генерација на „Chevrolet Camaro“ ќе се одвива во фабриката на „General Motors“ во Мичиген. Продажбата стартува подоцна во оваа година.