Овен (21.03 – 20.04)
Ќе слушнете некои муабети кои силно ќе ве вознемират. Сепак, ќе се смирите и ќе се обидете да си ја разјасните ситуацијата. Некој зад вашиот грб ви крои план на кој доколку наседнете можете да бидете многу оштетени. Побарајте совет од блиските, но внимавајте на кого му верувате.
Бик (21.04 – 21.05)
Денес вашиот ден ќе биде исполнет со мали и поголеми задоволства кои ќе ви ја потврдат вербата дека секое залагање во животот се исплати. Ќе ви се остварат некои желби кои можеби не ги потенциравте толку, но сепак ќе ви биде премногу мило за нив. Попладнето искористете го за одмор, соберете сила за да ја завршите успешно неделата.
Близнаци (22.05 – 22.06)
Успесите полека ќе се нижат во приватниот живот, на работа, а и кај оние кои сеуште се доусовршуваат во образованието. Мали нешта ќе ви го разубават денот и ќе ве развеселат. Вашиот партнер е премногу поврзан со вас, всушност вие сте како една целина. Оние кои се сами, ќе навлезат во прекрасен период каде доколку сериозно се ангажираат ќе ја најдат својата сродна душа.
Рак (22.06 – 22.07)
Ќе бидете нервозни, не поради себе, туку поради туѓите постапки. Потребно е да го промените начинот на размислување и да не таложите во себе негативни мисли. Во попладневните часови неочекуван повик или некоја вест ќе ви насмее до солзи.
Лав (23.07 – 22.08)
Нестабилен период во кој најдобро е да се сокриете дури и самите од себе. До крајот на оваа недела одложете ги сите планирани нешта, одложете го патувањето кое го планиравте. На работа ќе ве откријат дека подолго време сте манипулирале па ќе ви бидат скратени многу бенефиции. Се очекува подобрување во втората половина од наредната недела.
Девица (23.08 – 22.09)
Ќе бидете расеани, нема да ги паметите обврските и задачите, па ќе западнете во кавга со надредените кои остро ќе ве критикуваат. Некој колега искрено ќе ви подаде рака, тоа ќе биде лице од спротивниот пол кое сака нешто повеќе од вас. Внимавајте на потезите, може да бидете погрешно сфатени.
Вага (23.09 – 22.10)
Период во кој доколку сте шеф на некого ќе бидете критикувани. Позицијата ви е неповолна, а планетите ве потсетуваат дека ниту едно ветување не ви е исполнето, постои можност да го загубите најдобриот работник. Обидете се да ја поправите ситуацијата, не инвестирајте во ништо ново, поправете го старото.
Шкорпија (23.10 – 21.11)
Некој повик видно ќе ве вознемири, а вие тоа со задоволство јавно ќе го прераскажете. Помеѓу вас и вашиот партнер стои некое трето лице кое ја отежнува ситуацијата. Потребен е искрен разговор за разрешување на проблемите. Семејството ве критикува за потезите во секоја сфера од животот, и сосема е во право.
Стрелец (22.11 – 21.12)
Денес ќе бидете гладни и жедни за забава, ќе сакате цел ден да го поминете во шала и смеа. Тоа ќе ви успее, а и ќе ја насмее вашата околина која ќе ви се заблагодари што сте и го разубавиле денот. Во семејството ве очекува прекрасно изненадување, како принова, предлог за посериозни чекори и сл.
Јарец (22.12 – 20.01)
Ќе се двоумите како да постапите во критичните ситуации во кои ќе се најдете. Некоја Вага која целиот живот ви е близок пријател ќе се обиде да ја реши вашата комплицирана ситуација и најверојатно ќе успее. Вие наместо да и се заблагодарувате, наградете ја. Се очекува да навлезете во поповолен период во наредната недела, кога силно е потенциран успехот во кариерата.
Водолија (21.01 – 19.02)
Сакате се да биде ваше, но тоа не е возможно. Околината ќе ве осуди за себичноста, а вие ќе се правите дека не ги слушате критиките. Во попладневните часови можно е да дојде до судир на интереси, подобро е да се повлечете. Вашето здравје ви покажува дека сте претерале со консумацијата на храна.
Риби (20.02 – 20.03)
Ќе бидете загрижени и расеани, но за сето тоа искрено нема потреба. Обидете се да си ги смирите мислите и малку да се повлечете од наглите и агресивни потези во животот. Смирете го темпото и ќе бидете посреќни. Одложете неколку обврски, не се оптеретувајте, реално нема потреба за тоа.
