Раководството на компанијата „Volkswagen“ ја разгледува можноста за производство на верзијата „тарга“ на следната генерација на најуспешниот модел – „Golf“. Ова го соопшти весникот „Car Advice“, кој се повикува на свои извори.
Се очекува модификација да добие делумно отстранлив покрив, чија конструкција ќе биде позајмена од концептниот кросовер „T-ROC“ (на сликите). Централниот дел на покривот ќе биде направен од два елементи кои се соборат рачно и се поставуваат во багажникот.
Според изворот на весникот „Golf“ во верзија „тарга“ е нешто повеќе од идеја на конструкторите на брендот. Тие го избрале концептот „T-ROC“ за основа на моделот, бидејќи тој, како и стандардниот „Golf“ е изграден на модуларената платформа „MQB“.
Веќе се знае дека осмата генерација на најпопуларниот модел на „Volkswagen“ ќе се појави во 2017-та година, а во основата ќе биде модернизирана шасија „MQB“. Новиот модел ќе биде околу 35% полесен од својот претходник, а тоа ќе биде постигнато благодарение на употребата на алуминиум и висококвалитетен челик.
Се очекува кај следниот „Golf“ да се појават уште модификации. Една од нив ќе биде „купе“, кое ќе го заземе местото на „Scirocco“. Ќе има и кросовер, кој ќе се распореди под „Tiguan“ во палетата на брендот.
