Најскапите автомобили на пазарот најчесто создаваат големи главоболки на сопствениците, додека буџетските автомобили продолжуваат да бидат лидери во сигурност. Ова го покажуваат резултатите од годинешната листа на „What Car?“ за најсигурни и најнедокажаните автомобили на пазарот.
„Audi RS6“ е автомобилот со најчести проблеми во овогодинешното истражување на „What Car ?“.
Лидер на табелата и оваа година е јапонската компанија „Honda“, проследена со уште две компании од земјата на изгрејсонцето – „Suzuki“ и „Toyota“. Во топ 10 оваа година место си обезбедија „Chevrolet“, „Ford“, „Skoda“, „Peugeot“ и „Fiat“, како и вообичаено присутните „Mazda“, „Lexus“, „Hyundai“, „Nissan“ и „Subaru“.
Најсигурни модели на пазарот се „Honda Jazz“ и „Mitsubishi Lancer“, а кај нив евентуалните поправки чинат најмалку, покажуваат резултатите од истражувањето.
На спротивната страна е „Audi RS6“, кој е прогласен за недоверлив, исто така е и меѓу лидерите со највисока цена за поправка – во просек нешто над 1.000 фунти.
Општо земено производителите на скапи автомобили се рангираа на последните места во рангирањето, а на последната позиција е „Bentley“.
Од „What Car?“ предвидуваат дека најчестите проблеми при анализираните автомобили се предизвикани од дефект во катализаторите – речиси една четвртина. Амортизацијата и погонските елементи држат сличен процент, додека потоа следат клима уредите, а такви проблеми имале само 3% од машините.
Истражувањето „Warranty Direct“, направено од британското издание, ги опфаќа автомобилите со старост од 3 до 8 години, а е базирано според официјалната статистика за настанати проблеми. Анализирани се вкупно 50.000 возила. Самиот пласман се прави според сложена формула, земајќи ги предвид настанатите проблеми, возраста на автомобилот, километражата, трошоците за поправка, итн.
Најсигурни автомобили според „What Car ?“:
1. Honda
2. Suzuki
3. Toyota
4. = Chevrolet
4. = Mazda
6. Ford
7. Lexus
8. Skoda
9. = Hyundai
9. = Nissan
9. = Subaru
12. = Daewoo
12. = Peugeot
14. Fiat
15. Citroen
16. Smart
17. Mitsubishi
18. Kia
19. Vauxhall
20. Seat
21. Renault
22. Mini
23. Volkswagen
24. Rover
25. Volvo
26. Saab
27. Land Rover
28. = BMW
28. = MG
30. Jaguar
31. SsangYong
32. Mercedes-Benz
33. Chrysler
34. Audi
35. Jeep
36. Porsche
37. Bentley
