Англискиот гигант Манчестер Јунајтед договори пријателска средба со Данфермлајн пред почетокот на следната сезона. Дуелот ќе се игра на стадионот на шкотскиот клуб, а сите средства ќе одат за отплата на долговите на клубот кој е загрозен од банкрот.
Ветувањето за учество на “црвените ѓаволи” на натпреварот дојде специјално од менаџерот на тимот Сер Алекс Фергусон.
Во периодот 1964-67 година Фергусон го носеше дресот на Данфермлајн. Прославениот менаџер вети дека Манчестер Јунајтед ќе игра на пријателскиот натпревар со најсилниот состав за да се соберат повеќе гледачи и со тоа да се помогне на клубот.