Британскиот производител „McLaren“ го откри првиот модел од новата моделска гама „Sports Series“. Тој ќе биде претставен на автосаемот во Њујорк.
И за овој свој модел Британците не се одлучија за особено интересно име – „570S Coupe“, но пак одвоиле должно внимание на се друго.
Новиот спортист на „McLaren“ го претставува првиот предлог од новата серија автомобили на марката „Sports Series“. Тој се приклучи на сегашните предлози од „Super Series“ и „Ultimate Series“.
„570S Coupe“ не се одликува со особено оригинален дизајн, а лесно може да се препознае како „McLaren“. Моторот е познат од голем број на модели на брендот 3,8-литарски „V28“ би-турбо. Во случајот тој добил околу 30% нови компоненти и развива 570 КС при 7400 врт/мин и 600 Nm при 5000 – 6500 врт/мин. Трансмисијата е 7-брзински „SSG“, а за погонот одговараат задните тркала.
Иако има релативно слаб мотор, новиот „570S Coupe“ демонстрира доста сериозна динамика. Со тежина од 1313 килограми моделот забрзува од место до 100 км/час за 3,2 секунди. Брзината од 200 км/час се постигнува за 9,5 секунди, а ограничувачот се вклучува при 328 км/час.
Впечаток прави и просечната потрошувачка на гориво, кој според официјалната информација е само 9,2 л/100 км во мешан режим.
За првиот модел од новата гама на „McLaren“ е создадено нова суспензија, опремена со индивидуализира амортизери. Предните тркала се 19-инчни, а може да се изберат и оние со големина од 20 инчи. Уште во основната опрема се вклучени карбон-керамички сопирачки и гуми „Pirelli P Zero Corsa“.
Внатрешноста нуди спортска, но сепак луксузна атмосфера, која е опремена со создадени за моделот дигитални инструменти и 7-инчен дисплеј на системот „IRIS“, преку која се командуваат повеќето функции на автомобилот.
Повеќе детали треба да бидат познати по премиерата на „570S Coupe“ во Њујорк.
