„Pinterest“ објави дека собрала 367 милиони долари финансирање, благодарение на што овој сајт веќе е проценет на 11 милијарди долари и е еден од најпознатите високо ценети „старт-апи“ во светот од ризичните инвеститори.
Последниот круг на финансирање ја удвои вредноста на „Pinterest“, која беше 5 милијарди долари пред помалку од една година.
Сајтот кој започна официјално да продава рекламирање во јануари оваа година, може да собере уште 211 милиони долари за време на кругот на финансирање, кој се очекува да заврши во следните неколку недели, изјави портпаролот на компанијата.
„Pinterest“ се пофали дека има нови инвеститори, но одбива да открие кои се тие. Меѓу оние кои претходно и донесоа 764 милиони долари се компаниите „Bessemer Venture Partners“ и „Adressen Horowitz“, хеџ фондот „Viliant Capital Partners“ и јапонската фирма за онлајн трговија „Rakuten“.
Основана во 2010-та година, „Pinterest“ ја привлекува пред се женската публика. Тој им овозможува на корисниците да „закачат“ на виртуелни табли различни слики, организирајќи ги по теми. Платформата се прошири подалеку од оваа основна функција и веќе служи дури за организирање на патувања.
