Микрософт го прекрши договорот кој го имаше со Европската комисија со кој беше обврзан на корисниците во Европа да им овозможи избор на интернет пребарувачи во својот оперативен систем, па поради тоа заработи казна од 560 милиони евра. Но во компанијата не се премногу вознемирени поради големата казна.
Ваквата глоба за секоја компанија ќе претставува огромен непланиран трошок, но според податоците кои се достапни за јавноста всушност објаснуваат зошто никој во Микрософт не се вознемери и дека компанијата со „задоволство“ ќе ја плати.
Имено, Микрософт од својот бизнис во Европа и во останатиот дел од светот во својот џеп има преку 51 милијарди долари кои не сакаат да ги внесат во Америка, затоа што тој износ ќе им биде оданочен со корпоративна стапка од 35 проценти.
Сепак, Микрософт поради казната во Америка ќе има скоро 740 милиони долари помалку, но тоа очигледно нема да им пречи многу и ќе го прикажат како „трошок за оддржување на пребарувачите“.