Една од премиерите на тунинг компанијата „ABT Sportsline“ на саемот во Женева ќе биде доработен „Volkswagen Passat Variant“. Моделот добил подобрувања како во дизајнот, така и под хаубата.
Што се однесува до надворешната доработка, таа вклучува модифицирани браници, различна решетка, едноставен заден спојлер и странични прагови, кои му даваат на функционалниот караван далеку поспортски изглед.
Од „ABT Sportsline“ подготвиле исто така различни странични ретровизори, спортски прагови, спортски издувен систем, како и палета на бандажи со големина од 20 или 21 инчи. Внатрешноста е непроменета.
Доработката под хаубата влијае на најмоќната верзија на 2.0-литарски „TDI“ мотор. Благодарение на софтверските промени, мотор добил дополнителни 40 КС, па така веќе генерира 280 КС.
Информации за вртежниот момент, динамиката и потрошувачката на гориво на моторот ќе бидат познати следната недела во Женева. Тогаш се очекува да бидат соопштени и цените на пакетот.
