Овен (21.03 – 20.04)
Добриот аспект помеѓу Месечината и Плутон поволно се одразува на вашите финансии и на можноста за склучување на договор со странци. Подготвени сте со некој да преговарате и да направите компромис. Многу сте практични и не сакате да ги пропуштите добрите шанси инсистирајќи на нешто што не е во ваш интерес.
Бик (21.04 – 21.05)
Транзитот на Месечината поволно влијае на амбициозните и упорните претставници од овој знак бидејќи најверојатно ќе имаат прилика да започнат разговор за работа која би можела да биде многу профитабилна. Прилично сте тврдоглави и поради тоа е можно да дојдете до конфликт со оние кои сметаат дека треба да им се потчините. Не се расправајте со Овен или некој друг Бик.
Близнаци (22.05 – 22.06)
Размислувате за зголемување на вашата материјална ситуација. Во текот на денот ќе ви се укаже прилика за наоѓање на нов извор на финансии, но вам нема да ви бидат потполно јасни условите кои ви се нудат. Можеби е најдобро за тие прашања отворено да поразговарте со вашиот партнер и да најдете заедничко решение.
Рак (22.06 – 22.07)
Ситуацијата ви се подобрува. Ќе имате се повеќе енергија, па ќе постигнувате подобра концентрација и успех во потешките работи. Вашата позиција е стабилна иако не е постојано пријатна. Комуникациите ви се нешто подобри, но сеуште се можни повремени недоразбирања со претпоставените.
Лав (23.07 – 22.08)
Сеуште не можете вашата концентрација да ја насочите кон една цел. Ќе бидете распрскани на сите страни и ќе се чуствувате заморено, затоа посветете повеќе внимание на пријатни работи кои не ви претставуваат никакво оптеретување. Посветете повеќе внимание на вашето семејство на пријателите и не претерувајте со работата.
Девица (23.08 – 22.09)
Правилно ќе ја процените моменталната ситуација на работното место но ќе заборавите на некои помали делови кои се доста важни. Ќе ви помогне ваш стар пријател или колега и ќе направи работата да биде спасена. Преоптоварени сте со деловни обврски и немате доволно време за приватниот живот.
Вага (23.09 – 22.10)
Добро ќе се снаоѓате во решавањето на финансиските проблеми и тоа на доста необичен начин. Ќе добиете добри вести и нечија поддршка. Ќе имате нагласена потреба за размена на чуства. Слободните би можеле да започнат љубовна романса базирана врз физичка привлечост, а во сериозните врски се повеќе ќе зависите од вниманието и љубовта на партнерот.
Шкорпија (23.10 – 21.11)
Многу ќе разговарате за љубовта и ќе ги анализирате вашите и туѓите чуства. Ќе сакате да се дружите со пријателите да излегувате на кафе вечера и сл. Ако сте во врска многу ќе ви биде важно вниманието на партнерот.
Стрелец (22.11 – 21.12)
Ќе се занимавате со напорни и досадни работи, решавање на некои долгови, заостанати сметки и др. Ве советуваме да побарате интерес врзан за странски јазици, уметност или некоја хуманитарна работа. Негувајте го хобито кое ве исполнува и патувајте со духот ако не можете со телото.
Јарец (22.12 – 20.01)
Во работата ќе бидете непостојани и склони кон кавги со претпоставените. Внимавајте како се однесувате и што зборувате. Премногу значење ќе им придадете на материјалните работи во животот и ќе започнувате расправии со партнерот. Ќе мора да го заборавите минатото и да продолжите понатаму доколу сакате среќно да живеете.
Водолија (21.01 – 19.02)
Не започнувајте нови работи. Отежнатите прилики ви ја нагризуваат самодовербата, а околината, партнерот и соработниците премногу делуваат врз вас. Некои ќе заземат видлив агресивен став како би се снашле во секојдневните битки, други пак ќе избегаат кон забавата без чувства и одговорности.
Риби (20.02 – 20.03)
Трпението ќе ве напушти. Долго сте очекувале нешто и сега веќе имате чуство дека некој со вас си поигрува. Затоа рзгледајте ја целата ситуација комплетно и дознаете на што сте. Љубомората ќе ве измачува, а вашиот партнер ќе има проблеми да воспостави нормален однос со вас.
