Германската компанија „Opel“ ја откри новата генерација на компактниот спортски хечбек „Corsa OPC“. Премиерата на моделот ќе се одржи на претстојниот автосаем во Женева.
Моделот е управуван од новиот 1.6-литарски бензински турбо-мотор со 4 цилиндри, кој развива моќност од 207 Ks. Максималниот вртежен момент од 245 Nm е достапен во работен опсег од 1.900 до 5.800 вртежи во минута, a дополнителни 35 Nm се достапни при потреба благодарение на функцијата „overboost“.
Моторот работи во комбинација со 6-брзински мануелен менувач, дозволувајќи му на возилото да забрзува од 0 до 100 км/ч за 6.9 секунди. Максималната брзина е 230 км/час, а просечната потрошувачка на гориво изнесува 7.5 литри на 100 километри.
Спортската суспензија на новиот „OPC“ модел е развиена од „Koni“, па е за 10 мм пониска од останатите верзии на „Corsa“. Како опција за моделот ќе нуди диференцијал со зголемено триење и оптички спортски пакет „Performance“. Во сериската опрема е вклучен системот „ESP“ со неколку режими, вклучувајќи таков кој ја исклучува целосно.
Што се однесува до дизајнот, тој има големи отвори за воздух во предниот браник, вентилациски капак, заден спојлер, карактеристични странични прагови и заден дифузор со две хромирани цевки на издувниот систем. Ентериерот нуди спортски седишта, волан и педали, како и уникатна опрема.
Сите детали за моделот ќе бидат познати во почетокот на март, кога треба да стартува и продажбата.
