Во седиштето на компанија беше одржана промоција на тркачката верзија на моделот „Huracan“, кој ќе се натпреварува во „Blancpain Endurance“ серијата во текот на 2015-та.
„Huracan GT3“ е опремен со аеродинамички додатоци кои во голема мера ја променија неговата надворешност.
Oд предниот браник со нов спојлер, преку отворот на хубата, проширените крила, отворите за воздух зад предните и пред задните тркала, па до елементите на праговите и големиот заден спојлер, како и дифузорот – автомобилот ја доби физиономијата на вистински „тркач“.
Променета е и конструкцијата на возилото која е направена во комбинација на алуминиум-јаглеродни влакна, како и сопирачкиот систем.
„Huracan GT3“ е опремен и со заштитен „рол-бар“ кавез во склад со прописите на „FIA“, па дури и отвор на покривот преку кој возачот може да го напушти автомобилот во итни случаи.
„Lamborghini“ не ги соопшти техничките детали, но познато е дека за погонот е задолжена подобрена верзија на постоечкиот 5.2-литарски „V10“ мотор од серискиот модел. Моќта се пренесува на задните тркла со помош на шестстепен секвенцијален менувач.
„Huracan GT3“ ќе има официјална промоција на патеката Монца во април, а цената на овој тркачки модел на „Lamborghini“ изнесува 369.000 eвра.
