Изминатата 2014-та година не беше добра за авиопревозниците, по неколку сериозни инциденти со човечки жртви.
По оваа тешка година за секторот, за најбезбедна авиокомпанија во светот беше прогласена австралиската „Qantas“.
Ова се резултатите од рангирање на „AirlineRatings.com“. Беа разгледани 449 авиокомпании, а „Qantas“ е на прво место со релативно најмалку инциденти во историјата.
Меѓу најбезбедните авиокомпании се квалификува уште „Air New Zealand“, „Cathay Pacific Airways“, „British Airways“, „Emirates“, „Etihad Airways“, „EVA Air“, „Finnair“, „Lufthansa“ и „Singapore Airlines“.
Во рангирањето за најсигурни нискобуџетни авиокомпании на прво место е „Jetstar“. Во оваа листа влегуваат уште „Aer Lingus“, „Alaska Airlines“, „Icelandair“, „Jetblue“, „Kulula.com“, „Monarch Airlines“, „Thomas Cook“, „TUI Fly“ и „Westjet“.
Од 449 авиокомпании во рангирањето, 5 добија многу лоши оценки, а тоа се „Agni Air“, „Kam Air“, „Nepal Airlines“, „Scat“ и „Tara Air“.
Минатата година имаше два тешки инциденти со авиони на „Malaysia Airlines“. Летот „MH370“ исчезна, а летот „MH17“ беше соборен над Украина. Во овие две несреќи загинаа 537 лица.
Вкупно загинатите во авионски несреќи за 2014-та година се 986 лица. Во годината се превезени 3,3 милијарди патници во 27 милиони летови.
