Јапонската компанија „Toshiba“ планира во наредната година да ги прошири производствените капацитети за полупроводничките чипови.
Само четири месеци откако ја отворија последната фабрика во Јапонија, побарувачката за NAND мемориските модули е толкава што тие размислуваат за отворање на уште производствени погони.
Челникот на компанијата, Хисао Танака, најави дека во „Toshiba“ сериозно размислуваат за проширување на производството и надвор од Јапонија, наведувајќи го како пример „Samsung“ кој има фабрики и во Кина и во САД.
Сите опции и понатака се отворени, како во странство така и во Јапонија, а планот е новата фабрика, без оглед каде ќе се наоѓа, да започне со производство на почетокот на 2017 година.
