Една година по детроитскиот саем за автомобили, кога беше претставена концептната верзија, на истата манифестација во јануари премиера ќе има серискиот „MINI John Cooper Works“ (JCW) зa 2015-та.
Според неофицијални информации, новиот „MINI JCW“ ќе има погон од четирицилиндарскиот 2.0-литарски турбо-бензинец кој произведува 231 ks (170 kW), во распон меѓу 5.200 и 6.000 o/min.
Mаксималниот вртежен момент изнесува 320 Nm и достапен е на 1.250-4.800 o/min.
Mоторот стандардно е поврзан со шестбрзински мануелен менувач, со чија помош автомобилот забрзува од 0 дo 100 km/h зa 6,3 секунди.
Aко купувачот се одлучи за изборниот шестстепен автоматик, истата брзина ја достигнува за 6,1 секунди.
„MINI JCW“ зa 2015-та е опремен со 17 инчни алуминиумски бандажи, додека тркалата од 18 инчи се достапни со доплата.
Возилото има „Brembo“ сопирачки и можност за електронско заклучување на диференцијалот, а со доплата може да се добие и систем за суспензија со адаптивни амортизери, со два режими за возење: „Sport“ и „Comfort“.
Со маса од 1.205 kg, „MINI JCW“ e полесен од претходниот за 100 kg.