По премиерата на втората генерација на моделот „i20“, која е одржана на авто-саемот во Париз, „Hyundai“ ја претстави и неговата атратктивна верзија со три врати.
Корејскиот производител сакаше овој пат да направи јасна разлика меѓу моделите со 5 и 3 врати, па така „i20 Coupe“ стилски се разликува од стандардниот „Hyundai i20“.
Автомобилот има динамичен изглед на надворешноста, кој го карактеризира голема маска на ладилникот, различен преден браник и светла за магла.
Најмногу промени се случија на задниот дел на возилото. Моделот со 3 врати има нагласени задни калници, различни стоп-светла, како и помал заден прозор.
Посебен печат на овој дел на автомобилот се закосените „Ц“ столбови и сполјерот на покривот, со цел да изгледа уште поатрактивен, „i20 Coupe“ e oпремен со 17-инчни алуминиумски бандажи.
„Hyundai i20 Coupe“ e понизок од верзијата со 5 врати за 25 mm, но во компанијата велат дека тоа не се одрази на корисниот простор во кабината, додека зафатнината на багажникот е зголемена и изнесува 336 литри.
Доколку очекувавте помоќни мотори од оние кои се наоѓаат во стандардниот „i20“, ќе бидете разочарани. „Hyundai“ за „Coupe“ ќе ги користи истите погонски единици, како и во моделот со 5 врати.
Во понудата ќе бидат два бензински, 1.25-литарски со 85 ks и 122 Nm, како и 1.4-литарски со 100 ks и 134 Nm.
Што се однесува до дизелите, на располагање се 1.1-литарски мотор со 75 ks и 180 Nm и единица од 1.4-литри со 90 ks и 240 Nm.
Моторите се поврзани со шестбрзински мануелен менувач, освен во случајот со 1.25-литарскиот бензинец кај кој моќта на тркалата се пренесува по пат на петстепена трансмисија. Четирибрзинскиот автоматик е достапен како опција кај бензинецот од 1.4-литри.
„Hyundai i20 Coupe“ ќе пристигне во продажните салони во пролетта 2015-та година.