Американската фармацевтска групација „Merck“ соопшти дека ќе го купи производителот на антибиотици „Cubist Pharmaceuticals“ за околу 9,5 милијарди долари.
Вредноста на акциите на компанијата е проценета на 8,4 милијарди долари, со долгови од 1,1 милијарди. Иако аквицизицијата е голема, таа нема да претставува проблем за „Merck“, чија пазарна вредност е проценета на 175 милијарди долари.
„Cubist Pharmaceuticals“, основана во 1992 година во Масачусетс, е специјализирана за производство на лекови за бактерии отпорни на моментално достапните антибиотици. Компанијата минатата година оствари приходи малку поголеми од милијарда долари.
„Cubist Pharmaceuticals“ е глобален лидер во производствотo на антибиотици и има широка палета на лекови. Кога ќе ја споиме нивната стручност со нашите потенцијали и глобалното присуство, ќе можеме да напредуваме во пронаоѓањето на решение во критичните области, како што е тоа отпорноста на антибиотиците“, изјави претседателот на „Merck“, Кен Фразиер.
