Чешкиот производител на саемот за автомобили во Есен го претстави концептот „Fabia R5“, кој ќе дебитира на авто-трките во 2015-та година.
При лансирањето на третата генерација на моделот „Fabia“, „Škoda“ соопшти дека поради малата побарувачка се откажеле од нејзината спортска „RS“ верзија.
Сепак, компанијата има амбиција да учествува во тркачките натпреварувања, како рели првенството од серијата „WRC-2“.
„Škoda“ објави дека „Fabia R5“ под хаубата има четирицилиндарски 1.6-литарски бензинец, кој не е достапен во продукциската верзија на овој модел, со оглед дека најмоќниот сериски бензинец има 1.2-литарски „TSI“ мотор со 110 ks.
Производителот не откри колкава е моќта на тркачкиот турбо-бензинец, но објави дека моторот е поврзан со петбрзински секвенционален менувач.
Според правилата на „FIA“, минималната тежина на оваа категорија на тркачки автомобили изнесува 1.230 kg.