Францускиот производител на автомобилски гуми „Мichelin“ има во план своите производни капацитети во Кина да ги зголеми за два пати до 2019-та година.
На тој начин сакаат да го искористат својот потенцијал на раст на овој најголем светски пазар на автомобили, соопштија од компанијата.
„Мichelin“ помеѓу 2010-та и 2013-та година започна со изградба на четири нови погони со голем капацитет во Бразил, Индија, САД и Кина.
Со вкупно 3.600 вработени во кинеските фабрики, „Мichelin“ сега годишно произведува околу 77.000 тони гуми, а до 2019-та планираат годишното производство да биде околу 220.000 тони.
