Иако во последно време најмногу се пишуваше за новата „Corsа“, „General Motors“ исто така планира својата европска понуда да ја збогати и со нов градски модел.
Тоа возило ќе биде со 5 врати и на британскиот пазар ќе биде достапен под знакот на тамошниот „Vauxhall“, a кој за овој новитет ќе го употреби името „Viva“ (име кое „Vauxhall“ веќе го користеше помеѓу 1963-та и 1979-та година). Што се донесува до „Opel“, тие својата верзија на овој мал автомобил нема да го продаваат под тоа име, а останува да се види дали ќе се нарекува „Agila“.
Како и да е, „Vauxhall Viva“ ќе биде направен на истата платформа како и новата генерација на „Chevrolet Spark“, a во продажба се очекува по премиерата на саемот за автомобили во Женева, во март 2015-та.
Автомобилот ќе има 1.0-литарски трицилиндарски бензинец (веројатно и 1.2 и 1.4 литарски агрегати), а се очекува ниска потрошувачка на гориво и мала емисија на „CO2“, мала маса на возилото, простран ентериер (за оваа класа), како и пристапна цена.
Иако таа се уште официјално не е соопштена, се наведува дека ќе биде „екстремно атрактивна“. Неофицијалните проценки на британските медиуми велат дека „Viva“ во Велика Британија ќе чини помалку од 7.000 фунти.