Повеќекратниот шампион на Македонија во кошарка Работнички го формира тимот за новата натпреварувачка сезона.
Гечевски и Чековски во редовите на Работнички
Во редовите на екипата од „Градски парк“ како засилувања дојдоа Тодор Гечевски и Ѓорѓи Чековски, кои до ланската сезона успешно го носеа дресот на големиот ривал и шампион МЗТ Скопје Аеродром.
Двајцата кошаркари синоќа беа присутни на тренингот во салата во Градски парк, каде имаше и стотина навивачи.
Покрај овие двајца играчи тренерот Марин Докузовски, ќе работи и со репрезентативците Дарко Соколов и Марко Симоновски, додека во тимот од ланската сезона остануваат Јане Петровски, Димитар Мираковски и Марјан Ѓуров.
Амбициите на повеќекратниот шампион се да ја врати титулата, а раководството на клубот ќе се потруди во следниот период да донесе уште некое засилување (пред се од странство), по кое би следеле и контролните натпревари пред почетокот на сезоната.