„Dodge“ на последниот саем за автомобили во Њујорк меѓу останатото го претстави и освежениот „Charger“, a најмоќниот мотор во понудата беше 5.7-литарски „HEMI V8“ кој располага со 370KS и 535 Nm. Меѓутоа, тоа не е се, затоа што „Dodge“подготви уште помоќна и тоа „Hellcat“ верзија „Charger SRT“ чии први слики и видео можете да ги погледнете подолу.
Како што и се претпоставуваше, „Dodge Charger SRT Hellcat“ доби 6.2-литарски V8 агрегат со компресор и 707KS/880 Nm, a кој веќе се наоѓа во „Challenger SRT Hellcat“. Или поинаку кажано, „Dodge Charger SRT Hellcat“e помоќен од европските спортски седани, како што се „BMW M5“и„Mercedes E63 AMG“.
Забрзувањето од 0 дo 60 милији на час (96 km/h) изнесува 3.7 секунди, четврт милја (402 метри) поминува за 11 секунди, а најголемата брзина е 328 km/h.
Погонот е на задните тркала, а пак како менувач се користи осумстепен автоматик.
Исто така, во пакет се и хауба со различни отвори за воздух, нови бандажи од 20 инчи и гуми 275/40ZR20 Pirelli P Zero, нов спортски издувен систем, спортска суспензија, подобри „Brembo“ сопирачки (дискови 390 mm), спортски тркачки волан, спортски седишта и друго.
Според информациите кои пристигнуваат, испораките треба да започнат во првиот квартал од 2015-та година, но цената на овој модел се уште не е соопштена.
