Германскиот производител објави дека испратиле покана за вонреден сервис за 189.490 сопственици на „Tiguan“ поради проблеми кои може да се јават со пумпата за гориво.
Овој проблем може да доведе до прекин на работата на моторот во возење, соопштуваат од „Volkswagen“, a отповикот е за возила кои се произведени меѓу 2007-ма и 2014-та година.
Иако во компанијата велат дека ова најчесто се случува веднаш кога возачот ќе го стартува автомобилот, а престанувањето на работата на моторот додека возилото е во движење го зголемува и ризикот од евентуална сообраќајна несреќа.
Според податоците кои ги објави американската Национална агенција за безбедност во сообраќајот (NHTSA) најголем број спорни возила (околу 151.000) се регистрирани во САД.
„Volkswagen“ соопшти дека ќе ги извести сопствениците на автомобилите кои се опфатени со овој вонреден сервис, со цел да ги доведат во овластените сервиси за бесплатно остранување на овој недостаток.
