„Mini“ престана со производството на првата генерација на моделот „Clubman“, додека неговиот наследник ќе се појави следната година.
„Clubman“ во продажба се појави во 2008-ма година и по шест години, неговото производство сега е прекинато, како што пренесува холандски „Telegraaf“. Во веста не се наведува дали престана и производството на „Clubvan“, но бидејќи станува збор за возило кое претставува дополнителна верзија на „Clubman“, „Mini“ веројатно престана со производство и на тој модел.
Што се однесува до новата генерација на „Clubman“, таа во продажба се очекува во текот на 2015-та година, а најавена е на последниот саем за автомобили во Женева со студијата „Clubman concept“.
Сериската верзија на новиот „Clubman“ премиера ќе има во март 2015-та на женевскиот автосаем, а се очекува ова возило да биде за 16 cm подолго и за 17 cm пошироко од досегашниот модел.